Haaland er mun betri
Norski knattspyrnumaðurinn Erling Haaland, framherji Manchester City, gæti spilað í heimaleik liðsins gegn Fulham í ensku úrvalsdeildinni á morgun en hann missti af síðustu tveimur leikjum liðsins vegna fótameiðsla.
Þetta sagði Pep Guardiola, knattspyrnustjóri City, á blaðamannafundi fyrir leikinn. „Hann er mun betri. Við munum ákveða í dag hvort hann spili gegn Fulham. Það er gott skref að hann sé byrjaður að æfa. Það er æfing hjá okkur á eftir og við ákveðum eftir það.
Spurður út í hvað íhuganir verða teknar áður en ákvörðun verður tekin sagði Guardiola: Hvað hann sjálfur segir, hvernig honum líður og hvað læknirinn segir.
Svisslenski varnarmaðurinn Manuel Akanji er í góðu standi en Englendingarnir Kalvin Phillips og Kyle Walker eru enn meiddir. „Það er í lagi með Manu (Manuel Akanji) en Kalvin og Kyle eru ekki heilir,“ sagði spænski knattspyrnustjórinn að lokum.