Jürgen Klopp, knattspyrnustjóri Liverpool, viðurkenndi á blaðamannafundi í dag að varnarmaðurinn Nat Phillips gæti yfirgefið félagið áður en janúar er allur.
Phillips er fimmti kostur í miðvarðarstöðuna hjá liðinu og er félagið því reiðubúið að láta hann fara.
Engin tilboð hafa borist í Phillips í janúar, en hann var eftirsóttur í sumar og sýndu Bournemouth, Southampton og Benfica honum áhuga.
Phillips hefur lítið fengið að spreyta sig á leiktíðinni, en hann lék 17 leiki með Liverpool í ensku úrvalsdeildinni tímabilið 2020/21 er liðið var að glíma við mikið af meiðslum.