Dyche líklegastur til að taka við Everton

Enska knattspyrnufélagið Everton er í stjóraleit eftir að Frank Lampard var rekinn á dögunum. 

Sean Dyche, fyrrverandi stjóri Burnley, og Marcelo Bielsa, fyrrverandi stjóri Leeds og fleiri liða, voru taldir líklegastir til að taka við liðinu en í gær var greint frá því að sá síðarnefndi hafi hafnað starfinu.

Frétt af mbl.is

Tekur ekki við Everton

Nú greina breskir miðlar frá því að gert sé ráð fyrir því að Dyche muni taka við. Everton er í vondum málum í ensku úrvalsdeildinni, liðið er í næst neðsta sæti með einungis 15 stig eftir 20 leiki. Dyche hefur talsverða reynslu af fallbaráttunni í Englandi en hann er þekktur fyrir skipulagðan varnarleik og aga.

Uppfært kl. 13:00. Sky Sports hefur greint frá því að Dyche sé mættur á æfingasvæði Everton. Það eru því allar líkur á að hann sé að taka við liðinu.

• Blogga um frétt