Enska knattspyrnufélagið Fulham hefur fest kaup á serbneska miðjumanninum Sasa Lukic frá ítalska félaginu Torino. Kaupverðið er átta milljónir punda og skrifaði hann undir fjögurra og hálfs árs samning.
Lukic, sem er 26 ára gamall, hefur verið á mála hjá Torino frá árinu 2016 og verið lykilmaður undanfarin tímabil.
Hann er landsliðsmaður Serbíu og lék alla þrjá leiki liðsins sem byrjunarliðsmaður á HM 2022 í Katar í síðasta mánuði.
Kvaðst Lukic í samtali við heimasíðu Fulham spenntur fyrir því að spila fyrir félagið og hitta fyrir landa sinn Aleksandar Mitrovic, helsta markaskorara liðsins og serbneska landsliðsins.