Jota og van Dijk nálgast endurkomu

Portúgalski knattspyrnumaðurinn Diogo Jota mun snúa aftur til æfinga hjá Liverpool í næstu viku. Þá gæti Virgil van Dijk gert slíkt hið sama. Báðir hafa þeir verið meiddir um skeið.

Þessu greindi Jürgen Klopp, knattspyrnustjóri Liverpool, frá á blaðamannafundi í dag.

Þar sagði hann að sóknarmaðurinn Jota myndi hefja æfingar eftir helgi og að Virgil van Dijk og Roberto Firmino væru að nálgast endurkomu.

Styttra væri þó í van Dijk en Firmino þar sem hollenski miðvörðurinn gæti líkt og Jota hafið æfingar í næstu viku.

Liverpool heimsækir Wolverhampton Wanderers í ensku úrvalsdeildinni á morgun.

• Blogga um frétt