Liverpool hefur gengið afleitlega gegn minni spámönnum ensku úrvalsdeildarinnar á yfirstandandi leiktíð. Liðið tapaði 1:0 á útivelli gegn Bournemouth í gær.
Gylfi Einarsson og Eiður Smári Guðjohnsen ræddu við Tómas Þór Þórðarson um Liverpool í Vellinum á Símanum Sport og um baslið gegn liðum í neðri hlutanum sem oftar en ekki leggjast til baka gegn Bítlaborgarliðinu.
Eiður sagði bestu leiki Liverpool vera á móti stærstu liðunum.
„Þegar þeir fá smá svæði og þegar þeir fá að vera hættulegir í skyndisóknum og þurfa ekki að hafa algjöra stjórn á leiknum frá fyrstu mínútu,“ sagði Eiður Smári.
Innslagið má sjá í spilaranum hér fyrir ofan en mbl.is færir ykkur efni úr enska boltanum í samstarfi við Símann Sport.