Hafa hafnað fjölda tilboða í Greenwood

Forráðamenn enska knattspyrnufélagsins Manchester United hafa hafnað fjölda tilboða í enska sóknarmanninn Mason Greenwood.

Frétt af mbl.is

Greenwood ekki væntanlegur á þessari leiktíð

Það er The Athletic sem greinir frá þessu en Greenwood, sem er 21 árs gamall, var handtekinn í janúar á síðasta ári grunaður um nauðgun, líkamsárás og líflátshótanir í garð fyrrverandi unnustu sinnar.

Réttarhöld yfir leikmanninum áttu að hefjast í nóvember á þessu ári en málið var að endingu látið niður falla eftir að lykilvitni í málinu drógu framburð sinn til baka.

Gæti yfirgefið félagið í sumar

Greenwood hefur hvorki æft né spilað fyrir United síðan hann var handtekinn en mál leikmannsins er nú til skoðunar innan félagsins.

The Athletic greinir frá því að fjöldi tilboða frá Tyrklandi hafi borist í leikmanninn en þeim hefur öllum verið hafnað.

Óvíst er hvort Greenwood verði í herbúðum United á næstu leiktíð en hann er samningsbundinn félaginu til sumarsins 2025.

• Blogga um frétt