Knattspyrnustjórinn Thomas Tuchel er á umtalsvert lægri launum hjá þýska stórliðinu Bayern München en hann var á hjá enska úrvalsdeildarfélaginu Chelsea.
Það er Sky Sports sem greinir frá þessu en samningur Thuchels við Chelsea færði honum í kringum 13 milljónir punda í árslaun, eða rúmlega 2,1 milljarð íslenskra króna.
Hjá Bayern München mun hann þéna í kringum 10,5 milljónir punda eða tæplega 1,8 milljarða íslenskra króna.
Hann lækkar því um tæplega 423 milljónir í launum en Tuchel hefur verið án starfs síðan hann var rekinn sem stjóri Chelsea í september á síðasta ári.