Norski framherjinn Erling Braut Haaland hefur verið kjörinn leikmaður tímabilsins í ensku úrvalsdeildinni í fótbolta og er Norðmaðurinn fjórði leikmaður í sögu Manchester City til að vinna þessi verðlaun.
Verðlaunin eru gefin þeim leikmanni sem vinnur samanlagt í kosningu almennings, fyrirliða liðanna í deildinni og fjölmiðlamanna.
Haaland hefur verið lykilmaður í liði Manchester City á tímabilinu en hann hefur skoraði 36 mörk í deildinni í vetur og braut hann met Andrew Cole og Alan Shearer sem skoruðu báðir 34 mörk á sínum tíma.
It had to be him!@ErlingHaaland is your @EASPORTSFIFA Player of the Season 🤩#PLAwards | @ManCity pic.twitter.com/MxI9cpE8QX
— Premier League (@premierleague) May 27, 2023
Norðmaðurinn varð einnig fyrsti leikmaður í sögu ensku úrvalsdeildarinnar til að skora þrennu í þremur heimaleikjum í röð og þá varð hann fyrsti leikmaður Manchester City til að skora þrennu gegn grönnunum í Manchester United síðan 1970.
Leikmenn Manchester City hafa verið áskrifendur af þessum verðlaunum undanfarin ár en Kevin De Bruyne vann þau fyrir tímabilið 2019/2020 og Ruben Dias vann þau fyrir tímabilið 2020/2021. Vincent Kompany var fyrstur leikmanna Manchester City til að vinna verðlaunin en það gerði hann fyrir tímabilið 2011/2012.