Sænski knattspyrnumaðurinn Anthony Elanga, kantmaður Manchester United, gæti verið á leiðinni til þýsku bikarmeistara RB Leipzig í sumar.
Frá þessu greina þýskir miðlar en Elanga hefur ekki fengið mikið af tækifærum undir stjórn Eriks ten Hag hjá Manchester-liðinu.
United er sagt vilja á milli 13 og 17 milljóna punda fyrir leikmanninn sem á að baki tíu A-landsliðsleiki fyrir Svíþjóð.