„Eina liðið sem getur barist við City“
Mohamed Salah og Darwin Núnez fagna gegn Aston Villa.
AFP/Paul Ellis
„Liverpool er eina liðið sem getur barist við Manchester City um Englandsmeistaratitilinn,“ sagði Hörður Snævar Jónsson, ritstjóri 433.is, í Fyrsta sætinu þegar rætt var um ensku úrvalsdeildina.
Ósannfærandi Arsenal
Liverpool hefur farið vel af stað á tímabilinu og er með 10 stig í þriðja sætinu, tveimur stigum minna en Englandsmeistarar Manchester City.
„Arsenal hafa verið mjög ósannfærandi í þessum fyrstu leikjum sínum,“ sagði Hörður Snævar.
„Liverpool er með mjög gott lið og ef miðjukaupin heppnast þá og miðjan byrjar að tikka þá verða þeir alltaf í hálsmálinu á City,“ sagði Hörður Snævar meðal annars.
