Eiður Smári: Þetta er sláandi
Setja bókamerki
Manchester United vann 1:0-útisigur á Burnley í ensku úrvalsdeildinni í fótbolta á laugardag. Var sigurinn afar kærkominn, þótt frammistaðan hafi ekki verið stórkostleg.
Burnley var t.a.m. mun meira með boltann, sem Eiði Smára Guðjohnsen fannst sláandi, en Eiður var gestur Tómasar Þórs Þórðarsonar í Vellinum á Símanum Sport, ásamt Bjarna Þór Viðarssyni.
„Ég er ekki viss um að Erik ten Hag hafi séð það fyrir að hann myndi fara með liðið á Turf Moor og Burnley yrði meira með boltann,“ sagði Eiður Smári.
„Þetta er Manchester United og mér fannst það sláandi,“ sagði Eiður Smári meðal annars.
Umræðuna um United má sjá í spilaranum hér fyrir ofan, en mbl.is færir ykkur efni úr enska boltanum í samvinnu við Símann Sport.
