Yfirlýsing Liverpool eftir hræðilega dómgæslu

Knattspyrnufélagið Liverpool hefur gefið frá sér yfirlýsingu eftir hrikaleg mistök dómara í tapi liðsins fyrir Tottenham í ensku úrvalsdeild karla í gær. 

Vann Tottenham leikinn 2:1 en Liverpool fékk tvö umdeild rauð spjöld í leiknum. Versta atvikið átti sér þó stað í stöðunni 0:0 en þá skoraði Kólumbíumaðurinn Luís Díaz en markið var dæmt af vegna rang­stöðu. Var um rang­an dóm að ræða, en þrátt fyr­ir mynd­bands­dómgæslu var hann ekki leiðrétt­ur.

Í yf­ir­lýs­ingu sem dóm­ara­sam­tökin gáfu út voru mis­tök­in viður­kennd og sam­tök­in segjast ætla að  fara vel yfir málið og sjá hvað or­sakaði mis­tök­in.

Frétt af mbl.is

Dómarasamtökin viðurkenna mistök sem kostuðu Liverpool

Frétt af mbl.is

Hjörtu níu Liverpool-manna kramin

Mikilvægt fyrir framtíðina

Í kvöld gaf Liverpool frá sér sína eigin yfirlýsingu þar sem félagið skoðar alla valkosti sem í boði eru. 

„Við skiljum fullkomlega það álag sem dómarar vinna undir en það á að draga úr þessum þrýstingi, ekki auka hann, með tilvist VAR. Það er því ófullnægjandi að ekki hafi gefist nægur tími til að leiðrétta ákvörðunina. 

Óviðunandi er að kalla þessi mistök „mannleg“ þar sem allar niðurstöður ættu að koma fram með fullu gagnsæi. 

Þetta er mikilvægt fyrir framtíðarákvarðaranatöku þar sem þetta á við öll félög deildarinnar,“ sagði Liverpool meðal annars í yfirlýsingu. 

• Blogga um frétt