Liverpool sektað
Setja bókamerki
Enska knattspyrnufélagið Liverpool hefur verið sektað af enska knattspyrnusambandinu eftir að leikmenn og starfslið karlaliðsins fékk fjölda gulra spjalda og tvö rauð spjöld í 2:1-tapi fyrir Tottenham Hotspur á laugardag.
Alls fengu leikmenn sex gul spjöld og þar af fékk Diogo Jota tvö og þar með rautt, auk þess sem Curtis Jones fékk beint rautt spjald.
Peter Krawietz í þjálfarateymi Liverpool fékk sömuleiðis gult spjald.
Samkvæmt reglum enska knattspyrnusambandsins þýða þetta mörg spjöld hjá einu liði í einum leik sjálfkrafa sekt upp á 25.000 pund, tæplega 4,3 milljónir íslenskra króna, og því var ekki þörf á neinum formlegum úrskurði frá sambandinu.
Enska sambandið á enn eftir að taka ákvörðun um hvort fleiri leikmönnum Liverpool verður refsað, til að mynda fyrir ummæli eftir leikinn.
