Gleðifréttir fyrir Arsenal

Mikel Arteta, knattspyrnustjóri karlaliðs Arsenal, hefur skrifað undir nýjan samning við félagið sem gildir til næstu tæplega þriggja ára, sumarsins 2027.

Fyrri samningur Arteta átti að renna út í lok þessa tímabils en hann hefur stýrt Arsenal frá árinu 2019 og unnið einn bikar, ensku bikarkeppnina árið 2020.

Undir stjórn Arteta hefur liðið verið í harðri baráttu um Englandsmeistaratitilinn undanfarin tvö tímabil en þurft að sætta sig við annað sætið í bæði skiptin þar sem Manchester City skákaði því.

Ánægja ríkir með störf hans hjá félaginu og mun Arsenal undir stjórn Arteta halda áfram að reyna að vinna sinn fyrsta Englandsmeistaratitil í rúma tvo áratugi.

• Blogga um frétt