Snýr aftur hjá Liverpool

Portúgalski knattspyrnumaðurinn Diogo Jota hefur hafið æfingar að nýju með félagsliði sínu Liverpool eftir að hafa verið frá vegna meiðsla síðastliðna tvo mánuði.

Jota varð fyrir meiðslum á rifbeinum þegar Tosin Adarabioyo lenti illa ofan á honum í leik Liverpool gegn Chelsea í ensku úrvalsdeildinni þann 12. október síðastliðinn.

Portúgalski sóknarmaðurinn tók hins vegar fullan þátt í æfingu Liverpool í dag og gæti því snúið aftur í leikmannahópinn fyrir leik liðsins gegn Girona á Spáni í Meistaradeild Evrópu annað kvöld.

• Blogga um frétt