Ensku liðin örugglega áfram

Ensku liðin Arsenal og Aston Villa eru komin örugglega áfram í átta liða úrslit Meistaradeildar karla í knattspyrnu. 

Aftur á móti er framlengt hjá Atlético Madrid og Real Madrid á heimavelli Atlético. Atlético-liðið vann í venjulegum leiktíma, 1:0, og jafnaði einvígið í 2:2. 

Aston Villa mætir París SG í átta liða úrslitunum en Arsenal mætir öðru hvoru Madridarliðinu.

Jafntefli eftir stórsigur

Arsenal gerði jafntefli við PSV, 2:2, á heimavelli í Lundúnum en Arsenal vann 7:1 í Hollandi og því 9:3 samanlagt. 

Oleksandr Zinchenko og Declan Rice skoruðu mörk Arsenal en Ivan Perisic og Couhaib Driouech skoruðu mörk PSV.

Aston Villa vann þá Club Brugge 3:0 á Villa Park í Birmingham. Villa vann einnig fyrri leikinn í Belgíu, 3:1, og því einvígið samanlagt 6:1. 

Kyriani Sabbe, leikmaður Brugge, fékk rautt spjald á 17. mínútu leiksins. Aston Villa skoraði hins vegar ekki mörkin sín fyrr en í þeim seinni en þá skoraði Marco Asensio tvö og Ian Maatsen eitt. 

• Blogga um frétt