Arsenal missteig sig í Liverpool

Everton og Arsenal gerðu jafntefli, 1:1, í fyrsta leik helgarinnar í ensku úrvalsdeildinni í knattspyrnu á Goodison Park í Liverpool í dag.

Arsenal er í öðru sæti deildarinnar með 62 stig en Everton er í 14. með 35 stig. 

Leandro Trossard kom Arsenal yfir á 34. mínútu leiksins. Þá keyrði Raheem Sterling upp völlinn og kom boltanum á Trossard sem kláraði færið listilega, 0:1. 

Arsenal-liðið byrjaði seinni hálfleikinn brösuglega og á 47. mínútu fékk Everton víti. Þá braut Myles Lewis-Skelly á Jack Harrison og Darren England dómari benti á punktinn. 

Brotið byrjaði utan teigs og voru leikmennirnir tveir að rífa í hvorn annan en eftir athugun í VAR-sjánni stóð dómurinn. 

Á punktinn steig Iliman Ndiaye og skoraði af öryggi, 1:1. 

Arsenal fékk nokkur góð tækifæri til að skora annað mark en allt varð fyrir ekki og enduðu leikar því jafnir, 1:1. 

Arsenal fær Real Madrid í heimsókn í átta liða úrslitum Meistaradeildarinnar næsta þriðjudagskvöld. 

Næsti leikur Everton er gegn Nottingham Forest á útivelli næstu helgi. 

William Saliba úr Arsenal í baráttunni við Idrissa Gueye. AFP/Andy Buchanan

Everton	1:1	Arsenal	Opna lýsingu Loka
90. mín. Fjórum mínútum bætt við.
Augnablik — sæki gögn...

• Blogga um frétt