„Það hlaut að vera hann,“ sagði Eiður Smári Guðjohnsen í Vellinum á Símanum Sport þegar rætt var um sigurmark Virgils van Dijks í 2:1-sigri Liverpool á West Ham United í ensku úrvalsdeildinni á sunnudag.

Eiði Smára fannst þó sem Liverpool hafi ekki átt að fá hornspyrnuna sem van Dijk skoraði eftir þar sem Alexis Mac Allister, sem tók hornspyrnuna, hafi brotið á Lucas Paquetá skömmu áður.

„En ég er algjörlega á því að þeir áttu aldrei að fá þessa hornspyrnu. Mac Allister brýtur á Paquetá rétt áður, brot sem er ekki gefið. Liverpool fær horn og van Dijk skorar.

Að sjálfsögðu var það van Dijk eftir að hafa komið liðsfélaga sínum í vandræði með þessu sjálfsmarki,“ sagði hann en van Dijk bar ábyrgð á sjálfsmarki Andy Robertson skömmu fyrir sigurmark Hollendingsins.

Umræðuna um Liverpool má sjá í heild sinni í spilaranum hér að ofan.

Tengdar fréttir

Völlurinn

Eiður Smári: Ég varð meyr

• Eiður Smári: Of lítið, of seint fyrir Arsenal
• Margrét Lára: Hef litla þolinmæði fyrir svona sendingum
• Margrét Lára: Ætla ekki að svekkja Liverpool-samfélagið um of
• Eiður Smári: Aðeins of lengi að dýfa sér

» Fleiri tengdar fréttir

• Blogga um frétt