Fagnar ekki svona ef þú ert á förum

Trent Alexander-Arnold skoraði sigurmark Liverpool er liðið vann Leicester, 1:0, á útivelli í ensku úrvalsdeildinni í fótbolta í gær.

Bakvörðurinn fagnaði vel og innilega, reif sig úr að ofan og hljóp til stuðningsmanna Liverpool sem ærðust úr kæti.

Alexander-Arnold verður samningslaus eftir nokkrar vikur og bendir allt til þess að hann sé á leiðinni til Real Madrid á Spáni. Þó eru ekki allir sannfærðir eftir leikinn í gær.

„Þú fagnar ekki svona ef þú ert á förum frá félagi,“ sagði fyrrverandi leikmaðurinn Clinton Morrison á Sky.

Ian Burchnall, fyrrverandi stjóri Wolves, er á öðru máli. „Þetta var tilfinningaríkt hjá honum. Eins og hann vildi kveðja með góðu augnabliki. Við sjáum til,“ sagði hann.

Frétt af mbl.is

Var verið að senda stuðningsmönnum Liverpool skilaboð?

Frétt af mbl.is

Liverpool þarf einn sigur – Leicester fallið

• Blogga um frétt