Margrét Lára Viðarsdóttir hrósaði Bruno Fernandes, fyrirliða enska knattspyrnuliðsins Manchester United, í hástert eftir jafntefli liðsins gegn Bournmeouth, 1:1, í ensku úrvalsdeildinni í Bournemouth í gær. 

Margrét Lára var gestur Harðar Magnússonar í Vellinum á Símanum Sport í gær ásamt Eiði Smára Guðjohnsen. 

Þau fóru yfir leik Bournemouth og United sem hafnaði 1:1 en Daninn Rasmus Höjlund jafnaði metin fyrir United undir blálok leiks. 

„Ég segi bara enn og aftur, hvar væri þetta United-lið án Bruno? Hann er algjörlega stórkostlegur og getur spilað frábærlega viku eftir viku þrátt fyrir að úrslitin séu ekki að detta. 

Það verður að hrósa honum fyrir að halda haus. Þessar sendingar hans í leikjum, hvernig hann er að koma samherjum sínum í góðar stöður, það er unun að fylgjast með því,“ sagði Margrét Lára en umræðuna í heild sinni má sjá í spilaranum hér að ofan. 

Tengdar fréttir

Völlurinn

Eiður Smári við Hörð: Ég veit að þér finnst þetta sárt

• Margrét Lára: Hvar eigum við að hafa hendurnar?
• Eiður Smári: Mátt ekki gleyma hvaða treyju þú spilar í
• Eiður Smári: Þá á markið að standa
• Eiður Smári: Núnez á að gera betur

» Fleiri tengdar fréttir

• Blogga um frétt