Þriðja tap Liverpool kom á Brúnni

Chelsea hafði betur gegn Englandsmeisturum Liverpool, 3:1, í 35. umferð ensku úrvalsdeildar karla í knattspyrnu á Stamford Bridge í London í dag. 

Eftir leik er Chelsea enn í fimmta sæti, nú með 63 stig og jafnmörg og Newcastle en Liverpool er á toppnum með 82. Efstu fimm sæti deildarinnar tryggja þátttöku í Meistaradeildinni á næstu leiktíð. 

Enzo Fernándex skoraði fyrsta mark Chelsea strax á þriðju mínútu. Þá fékk hann sendingu frá Pedro Neto og skoraði framhjá Alisson, 1:0. 

Enzo Fernández kom Chelsea yfir. AFP/Henry Nicholls

Annað mark Chelsea-manna var skrautlegt en það kom á 85. mínútu. Þá lék Cole Palmer á Conor Braldey og sendi boltann fyrir. Enginn Chelsea-maður komst í boltann og ætlaði Virgil van Dijk að spyrna honum frá en hann skaut í liðsfélaga sinn Jarrel Quansah og þaðan fór boltinn í netið. 

Van Dijk minnkaði hins vegar muninn fyrir Liverpool á 85. mínútu með góðu skallamarki eftir hornspyrnu Alexis Mac Allister, 2:1. 

Undir blálokin vann hins vegar Moisés Caicedo vítaspyrnu fyrir Chelsea eftir að Quansah braut á honum. Á punktinn steig Palmer og skoraði, 3:1. 

Chelsea heimsækir Newcastle í gríðarlega mikilvægum leik næstu helgi en Liverpool fær Arsenal í heimsókn. 

Leikmenn Chelsea standa heiðursvörð fyrir leikmenn Liverpool. AFP/Henry Nicholls

Chelsea	3:1	Liverpool	Opna lýsingu Loka
90. mín. Fimm mínútum bætt við.
Augnablik — sæki gögn...

• Blogga um frétt