Kveður Liverpool eftir 20 ár

Knattspyrnumaðurinn Trent Alexander-Arnold yfirgefur Liverpool eftir yfirstandandi tímabil er samningur hans við félagið rennur út. Hann staðfesti tíðindin í yfirlýsingu á samfélagsmiðlinum X.

Alexander-Arnold er uppalinn hjá Liverpool, hefur leikið með liðinu allan ferilinn og verið hjá því í 20 ár. Hann mun að öllum líkindum ganga í raðir Real Madrid á næstu vikum.

„Frá mínum dýpstu hjartarótum vil ég þakka öllum, öllum þjálfurum, knattspyrnustjórum, liðsfélögum, starfsfólki og okkar mögnuðu stuðningsmönnum,“ skrifaði hann m.a.

Yfirlýsinguna og myndband frá bakverðinum má sjá hér fyrir neðan.

• Blogga um frétt