„Ekki segja það við stuðningsmenn Liverpool“
Setja bókamerki
Trent Alexander-Arnold, varafyrirliði enska knattspyrnufélagsins Liverpool sem er uppalinn hjá félaginu, er á förum frá Englandsmeisturunum í sumar og til Real Madrid á Spáni.
Alexander-Arnold mun yfirgefa félagið á frjálsri sölu eftir 20 ár en margir stuðningsmenn Liverpool eru ósáttir.
Jamie Carragher, sparkspekingur og fyrrverandi leikmaður Liverpool, er svekktur vegna ákvörðunar Alexanders-Arnolds og vill ekki að aðrir segi stuðningsmönnum Liverpool hvernig þeim eigi að líða.
„Sumir óska honum alls hins besta og aðrir eru reiðir, ég er mitt á milli. Ég er hins vegar orðinn þreyttur á því að lesa greinar frá blaðamönnum eða öðrum sem eru að segja stuðningsmönnum Liverpool hvernig þeim eigi að líða.
Liverpool er borg með miklar tilfinningar, það gerir Liverpool að Liverpool. Alexander-Arnold má gera það sem hann vill, en stuðningsmönnum Liverpool mega líka hafa sínar skoðanir,“ sagði Carragher á SkySports.
Fyrirhugaður kláfur án fordæma hér á landi
Fíkniefni flæða um fangelsin
Slæmt að hafa ábyrgð en engin völd
„Alvarlegar afleiðingar fyrir veik börn“
„Við erum bara ennþá í smá sjokki yfir þessu“
Sólin breytir neysluhegðun: „Lifnar yfir landanum“
Alltof geyst farið í hækkun veiðigjalda