Liverpool-maðurinn og Úlfurinn í fyrsta sinn

Alexis Mac Allister, miðjumaður Englandsmeistara Liverpool, hefur verið útnefndur besti leikmaður ensku úrvalsdeildarinnar í knattspyrnu í aprílmánuði. Vítor Pereira, knattspyrnustjóri Wolves, hefur þá verið útnefndur stjóri mánaðarins.

Báðir unnu þeir til verðlaunanna í fyrsta sinn á ferlinum.

Mac Allister lék vel í aprílmánuði en hann skoraði tvö mörk og lagði upp eitt mark til viðbótar í fimm leikjum fyrir Liverpool er liðið vann úrvalsdeildina í tuttugasta skipti.

Úlfarnir gerðu sér þá lítið fyrir og unnu alla fimm leiki sína í deildinni í apríl undir stjórn Pereira og komu sér þannig úr fallbaráttu með sannfærandi hætti.

• Blogga um frétt