Sheffield í úrslit umspilsins

Sheffield United er komið í úrslitaleik umspils ensku B-deildar karla eftir sannfærandi sigur á Bristol, 3:0, í seinni leik liðanna í undanúrslitum umspilsins í Sheffield í kvöld. 

Sheffield vann fyrri leikinn einnig, 3:0, en liðið hafnaði í þriðja sæti B-deildarinnar og Bristol í sjötta. 

Kieffer Moore, Gustavo Hamer og Callum O'Hare skoruðu mörk Sheffield. 

Sheffield mætir Sunderland eða Coventry í úrslitaleiknum á Wembley þann 24. maí. Sunderland er 2:1-yfir í því einvígi og fær Coventry í heimsókn annað kvöld.

Sigurliðið á Wembley kemst í ensku úrvalsdeildina á næstu leiktíð. 

• Blogga um frétt