Liverpool lækkar kröfurnar um helming
Setja bókamerki
Ensku meistararnir Liverpool eiga í viðræðum við Real Madrid um greiðslu fyrir knattspyrnumanninn Trent Alexander-Arnold, fari hann til spænska félagsins áður en samningur hans hjá Liverpool rennur út þann 1. júlí.
Ekki hefur verið gefið opinberlega út að Alexander-Arnold gangi til liðs við Real Madrid í sumar en gengið er út frá því sem vísu.
Real Madrid mun hafa mikinn hug á að nota hann á heimsmeistaramóti félagsliða sem hefst í júní en þá þarf hann að losna frá Liverpool.
Spænski fjölmiðillinn Defensa Central segir að Liverpool vilji fá greiðslu, fari bakvörðurinn fyrir 1. júlí. Liverpool hafi upphaflega farið fram á 2,5 milljónir punda en sé nú búið að lækka kröfuna niður í 1,3 milljón punda.
Defensa Central segir Real Madrid reiðubúið til að greiða þá upphæð, eftir að hafa upphaflega krafist þess að fá hann lausan án greiðslu.
Heimsmeistaramót félagsliða hefst í Bandaríkjunum 14. júní þar sem 32 lið frá sex heimsálfum taka þátt. Þar er Real Madrid í H-riðli ásamt Al Hilal frá Sádi-Arabíu, Pachuca frá Mexíkó og Salzburg frá Austurríki.
„Það er eitthvað að, það er eitthvað klikkað“
Einstakur fornleifafundur í Noregi
Brigslað um falsfréttastíl
„Ástandið er eldfimt, óstöðugt og stórhættulegt“
Páll stefnir RÚV út af byrlunarmálinu
„Heimurinn þarf á því að halda sem aldrei fyrr“
Mögulegt að svörin liggi meðal íslensks samfélags
Ísrael og Íran samþykkja vopnahlé