Guardiola með tárin í augunum

Belgíski knattspyrnumaðurinn Kevin De Bruyne lék sinn síðasta heimaleik fyrir Manchester City er liðið sigraði Bournemouth, 3:1, í ensku úrvalsdeildinni í kvöld.

Eftir leik fékk De Bruyne kveðjustund með fjölskyldu sinni á vellinum. Pep Guardiola, sem hefur stýrt De Bruyne hjá City frá árinu 2016, felldi tár á meðan sá belgíski þakkaði stuðningsmönnum fyrir í síðasta skipti á heimavelli.

De Bruyne er af mörgum talinn einn allra besti miðjumaður ensku úrvalsdeildarinnar frá upphafi. Í 284 deildarleikjum með Manchester City eru mörkin 72.

Þá hefur hann orðið Englandsmeistari sex sinnum, bikarmeistari tvisvar, deildabikarmeistari fimm sinnum og Evrópumeistari einu sinni með City.

• Blogga um frétt