Wirtz nálgast Liverpool

Florian Wirtz, þýskur landsliðsmaður og lykilleikmaður Bayer Leverkusen, er nálægt því að ganga í raðir Liverpool en félagið vill fá hann í sumar.

Wirtz, sem er 22 ára, hefur náð munnlegu samkomulagi við Liverpool og hefur látið Leverkusen vita af ósk sinni að ganga til liðs við Liverpool.

Forráðamenn Liverpool hafa sett sig í samband við Leverkusen og eru að undirbúa tilboð. Talið er að Leverkusen vilji fá 125 milljónir punda fyrir leikmanninn sem myndi gera hann að dýrasta leikmanni í sögu ensku úrvalsdeildarinnar.

Bayern München hefur einnig haft áhuga á Wirtz en Herbert Hainer, forseti félagsins, segir Wirtz hallast að Liverpool.

„Íþróttastjórinn okkar Max Eberl lét mig vita að Florian Wirtz hallast að Liverpool,“ sagði Hainer.

• Blogga um frétt