Áhugi frá Ítalíu á United-manninum

Enski knattspyrnumaðurinn Jadon Sancho, leikmaður Manchester United, er að fá áhuga frá Ítalíu. Sky Sports greinir frá þessu.

Bæði Juventus og Napoli hafa áhuga á að fá Sancho til liðs við sig en Englendingurinn á eitt ár eftir af samningi sínum hjá United.

Sancho, sem er 25 ára, var að láni hjá Chelsea á síðasta tímabili. Hann spilaði 41 leik og skoraði fimm mörk og lagði upp tíu til viðbótar.

Talið er að United vilji fá rúmlega 25 milljónir punda fyrir Sancho.

• Blogga um frétt