Fótboltafjölskyldan kemur saman
Setja bókamerki
„Ég er í raun og veru í áfalli,“ sagði Jamie Carragher, fyrrverandi leikmaður Liverpool og sparkspekingur, er hann ræddi við Sky Sports í morgun eftir fráfall Diogo Jota, leikmanns Liverpool, sem lést í umferðarslysi í gærkvöld.
„Þetta er eitt af þeim fáu skiptum sem öll fótboltafjölskyldan kemur saman. Ég get ekki trúað þessu, þetta er hrikalega sorglegt fyrir fjölskyldu hans, eiginkonu og þrjú yndisleg börn,“ bætti Carragher við.
Jota, sem var 28 ára, lést ásamt yngri bróður sínum André í bílslysi á Spáni í gærkvöld.
„Hann bjó mjög nálægt okkur en hélt sig út af fyrir sig. Hann kom fram sem mjög rólegur og hógvær maður, alvöru fjölskyldumaður. Hann virtist vera frábær náungi og að sjálfsögðu frábær knattspyrnumaður,“ bætti Carragher við.
Jota gekk í raðir Liverpool árið 2020 en hann skoraði 65 mörk og gaf 26 stoðsendingar í 182 leikjum fyrir félagið. Hann vann ensku deildina, enska bikarinn og deildabikarinn með félaginu.
Ber skarðan hlut frá borði
Út fyrir hefðbundnar slóðir á Vestfjörðum
Flugslys í Bretlandi
Hátt í 30 stiga hiti á morgun
Ursula von der Leyen á leið til landsins
„Þetta er hiklaust bannað“
Geymi búslóðir í gámum