Mikill fjöldi var samankominn í Gondomar í úthverfi Porto í Portúgal í morgun til þess að fylgja knattspyrnumönnunum og bræðrunum Diogo Jota og André Silva til grafar.

Bræðurnir létust í bílslysi aðfaranótt fimmtudagsins 3. júlí við bæ­inn Cerna­dilla í Zamora-héraði á Spáni.

Jota var samningsbundinn Englandsmeisturum Liverpool á meðan bróðir hans André lék með Penafiel í portúgölsku B-deildinni.

Jota lék alls 182 leiki fyrir Liverpool og skoraði í þeim 65 mörk, ásamt því að leggja upp önnur 26 og þá lék hann 49 A-landsleiki fyrir Portúgal þar sem hann skoraði 14 mörk.

Liðsfélagar hans frá Liverpool voru á meðal þeirra sem fylgdu honum til grafar ásamt liðsfélögum hans í portúgalska landsliðinu.