Krossbandið slitið og tímabilið búið

Hollenski knattspyrnumaðurinn Antoni Milambo er með slitið krossband í hné og leikur ekkert meira með enska úrvalsdeildarliðinu Brentford á leiktíðinni.

Hinn tvítugi Milambo var keyptur til Brentford frá Feyenoord í heimalandinu fyrir tímabilið fyrir 18 milljónir evra.

Hann skrifaði undir fimm ára samning í Lundúnum en ljóst er að hann spilar lítið fyrsta árið.

Milambo náði einum leik í ensku úrvalsdeildinni áður en hann meiddist á æfingu.

• Blogga um frétt