Styttist í endurkomu eftir langa fjarveru

Argentínski knattspyrnumaðurinn Lisandro Martínez mun byrja aftur að æfa með liðsfélögum sínum í Manchester United á næstu dögum eftir rúmlega átta mánaða fjarveru vegna meiðsla.

Sky Sports greinir frá. Martínez sleit krossband í hné snemma á árinu, sem venjulega þýðir fjarveru í allt að tíu mánuði.

Varnarmaðurinn fór í myndatöku í vikunni sem lofaði góðu en Martínez var af mörgum talinn besti varnarmaður United áður en hann meiddist.

• Blogga um frétt