Valdi tíu frá Liverpool en einn frá Manchester

Enski sparspekingurinn Alan Shearer virðist ekki hafa mikla trú á Manchester United fyrir stórleik 8. umferðar ensku úrvalsdeildarinnar í fótbolta þar sem liðið heimsækir Liverpool á Anfield á sunnudaginn kemur. 

Shearer, sem er markahæsti leikmaður í sögu ensku úrvalsdeildarinnar og starfar í dag sem sparkspekingur, hitaði upp fyrir leikinn í viðtali við enska miðilinn Mirror.

Frétt af mbl.is

Lykilmaður Liverpool fjarverandi gegn United

Hann var meðal annars beðinn um að velja sameiginlegt byrjunarlið skipað leikmönnum Liverpool og United líkt og Bretinn er duglegur að gera fyrir stórleiki þar í landi.

Til að gera langa sögu stutta valdi Shearer tíu leikmenn frá Liverpool í sameiginlegt byrjunarlið sitt og einungis einn frá Manchester.

Byrjunarlið Alan Shearer: 

Markvörður: Alisson Becker (Liverpool).

Varnarmenn: Conor Bradley (Liverpool), Ibrahima Konaté (Liverpool), Virgil van Dijk (Liverpool), Luke Shaw (Manchester United).

Miðjumenn: Alexis Mac Allister (Liverpool), Ryan Gravenberch (Liverpool), Dominik Szoboszlai (Liverpool).

Sóknarmenn: Mohamed Salah (Liverpool), Hugo Ekitiké (Liverpool), Cody Gakpo (Liverpool).

• Blogga um frétt