Fimmta tímabil Vodafone deildar Rafíþróttasamtaka Íslands í Counter-Strike: Global Offensive er komið inn á það sem mætti kalla „Wikipedia-síðu rafíþrótta“, Liquipedia.
Nú er hægt að sjá þar niðurstöður deildarinnar og úrslit leikja í formi sem sumum gæti þótt þægilegra, en áður var hægt að fá upplýsingar um deildina frá Challengermode. Einnig er nú hægt að sjá verðlaunafé deildarinnar, en í heild var það 700 þúsund krónur og skiptist nokkuð jafnt á milli þeirra átta liða sem tóku þátt.
Enn sem komið er hafa lið sem kepptu á tímabilinu ekki sett upp sínar eigin síður en spurning er hvort að með þessu sé leiðin orðin greiðari – það væri aðdáendum á Íslandi eflaust til gleði.
Liquipedia síðu 5. tímabils Vodafone deildarinnar má finna hér.
Einnig er hægt að nálgast upplýsingar um deildina á Challengermode.