Hinn bandaríski Tim „TimTheTatman“ Betar er vinsæll streymir, en hann streymir aðallega leiknum Call of Duty:Warzone.
TimTheTatman streymir á YouTube rás sinni þar sem hann hefur fjórar milljónir fylgjenda. Hann var með sjö milljónir fylgjenda á Twitch, en hætti nýlega þar til að færa sig yfir á YouTube.
Hefur TimTheTatman notið mikilla vinsælda um allan heim fyrir streymi sín og það efni sem hann framleiðir tengdu leiknum Warzone. Hann skrifaði undir samning við rafíþróttafélagið Complexity Gaming í gær, en hann hefur aldrei áður verið hluti af slíku félagi.
Complexity Gaming er staðsett í Norður-Ameríku og er partur af GameSquare Esports, sem er umboðsskrifstofa á vegum Dallas Cowboys.
Munu TimTheTatman, Complexity Gaming og GameSquare í sameiningu vinna að því að margvíslegum verkefnum, s.s. tengdum varningi, viðburðum sem snúast um að hitta TimTheTatman, og jafnvel samstarfi með íþróttamönnum og frægum einstaklingum.
Eins og fyrr segir er þetta í fyrsta sinn sem TimTheTatman hefur samstarf með rafíþróttafélagi, og er ljóst að um feng er að ræða fyrir Complexity Gaming þar sem TimTheTatman er gríðarlega vinsæll á sínum vettvangi.