Hollenska úrvalsdeildin í knattspyrnu, Eredivisie, og DreamHack Sports Games hafa tilkynnt stofnun nýs viðburðar sem ber nafnið GG DreamHack Sports 2022 eða GG22.
Viðburðurinn mun fara fram í Maastricht í Hollandi næsta sumar. Um er að ræða svokallaða íþróttaleikjahátíð þar sem keppt er í rafíþróttum sem byggja á raunverulegum íþróttum, s.s. fótbolta- og golfleikjum.
Markmið viðburðarins er að sameina íþróttaleiki, rafíþróttir og fjölskylduvæn hátíðarhöld.
Ekki hefur verið tilkynnt hverjir styrktaraðilar viðburðarins eru en skipuleggjendur segja að viðburðurinn muni bjóða uppá marga viðskiptamöguleika.