Dórabikarinn í tölvuleiknum Dota 2 fór fram fyrr í mánuðinum en það var seinasti íslenski Dota 2 viðburðurinn á árinu.
Úrslitaleikir voru spilaðir í rafíþróttahöllinni Arena en alls tóku fimm lið þátt í mótinu.
Liðið Raggi og COres lenti í fyrsta sæti, Midas Monkeys í því öðru og Mojsla Fan Club lenti í þriðja sæti.
Þakkar mótstjórinn Bergur Árnason, einnig þekktur sem „flying“ öllum liðum fyrir þátttökuna í mótinu í Facebook- færslu og eins þakkar hann öðrum aðilum á borð við áhorfendur fyrir það að horfa á viðburðina sem haldnir voru í ár.
Eins tekur hann fram að mótastjórn hlakki til komandi tíma og segir Dota senuna á Íslandi eiga gott í vændum á komandi tímum.