Netþjónar Among Us undir árás

Among Us.
Among Us. Grafík/Innersloth

Leikmenn í vinsæla tölvuleiknum Among Us stóðu frammi fyrir vandamálum á netþjónum síðastliðinn fimmtudag. Þróunaraðilar hjá Innersloth neyddust til þess að loka öllum netþjónum tímabundið til þess að leysa vandamálið.

Netþjónar Among Us urðu fyrir DDoS-árás en það er þegar stafræn vélmenni (e. bots) ráðast á netþjóna þar sem þeir tefja alla umferð á þeim.

Netþjónar í Norður-Ameríku og Evrópu voru teknir niður á meðan Innersloth vinnur að lausn á vandamálinu. Innersloth fylgdi þessu eftir með tísti sem greindi frá því að netþjónarnir gætu verið aðgengilegir til skiptis, af og á, en lofaði að láta vita þegar búið væri að leysa úr þessu.



mbl.is