Byssuóður Snoop Dogg í Call of Duty
Setja bókamerki
Tónlistarmaðurinn Snoop Dogg er nú spilanlegur sem persóna í CoD-leikjunum Vanguard og Warzone en þar gengur hann undir nafninu „Doggfaðirinn“ eða „Tha Doggfather“.
Snoop Dogg Operator-aukapakkinn innleiðir Calvin Broadus Jr., betur þekktur sem Snoop Dogg, sem spilanleg persóna eða nýr útsendari.
Nýr söguþráður fylgir með rapparanum
Snoop Dogg-útsendarinn býr að sérsniðnum setningum sem sagðar eru með rödd rapparans, auk þess fylgir sérstakur söguþráður með honum.
Í söguþræðinum geta leikmenn unnið sér inn ýmsa hluti eins og skart, vopn og fleira ásamt því að safna reynslustigum.
Aukahlutir sem vísa í Kannabis-plöntuna
Þar sem Snoop Dogg er ekki einungis þekktur og virtur tónlistarmaður, heldur einnig mikill áhugamaður um Kannabis, býr Snoop Dogg-aukapakkinn að hlutum sem vísa í plöntuna.
Má nefna til dæmis teikningu af leyniskyttu-rifflinum Bong Ripper. Riffillinn er grænn, gulur og rauður á litinn en skartar svörtum teiknimyndum af Kannabislaufi.
Einnig fylgir SMG-byssan Tha Shiznit en hún er litrík eins og Bong Ripper, nema Tha Shiznit skartar graffitíi og límmiðum. Fleiri aukahlutir sem vísa í Kannabis-plöntuna fylgja með aukapakkanum og má sjá mynd af þeim hér að neðan.
Hægt að kaupa nú þegar
Öll vopnin koma með „Grænni Kannabis Sporalotu“ (e. Green Weed Tracer Rounds) en þá kemur einskonar grænn reykur eða litur þegar skotið er með vopninu.
Aukapakkinn er kominn út og get áhugasamir keypt hann nú þegar, nánari upplýsingar um pakkann má finna með því að fylgja þessum hlekk.
„Okkur miðar í rétta átt“
Vona að Orkustofnun veiti ekki virkjunarleyfi
Hernaðaraðstoð samþykkt – Vopnasendingar í vikunni
Æskuvinur Íslendings myrtur í Noregi
Handtekin eftir að tvö börn fundust látin
Áköf mótmæli í bandarískum háskólum
„Á réttri leið en nokkuð í land ennþá“
„Skýr skilaboð til Seðlabankans“