Tölvuleikjaröðin Call og Duty hefur unnið með ýmis víxlverkefni síðastliðið árið. Fyrr í vikunni kom t.d. út Snoop Dogg-aukapakki en núna næst mun risavöxnu górillunni King Kong og risaeðlunni Godzilla bregða fyrir í Warzone.
Godzilla og King Kong munu láta sjá sig í Caldera á meðan Operation Monarch Warzone-viðburðinum stendur yfir en Activision tilkynnti um hann í gær á Twitter.
„Haltu fast í allt sem þú átt... SKRÍMSLI ALLRA BARDAGA er á leiðinni!“ segir í tístinu en með því fylgdi myndband sem skýrir betur frá viðburðinum sem hefst þann 11. maí.
Hvernig bardaginn sjálfur fer fram er enn óvitað, en líkur eru á að hann verði svipaður og fyrri viðburðir í sama dúr - þar sem að tímabundinn hamur verður aðgengilegur þar sem Godzilla og King Kong birtast og berjast við hvorn annan á meðan fólk horfir á.
Þrír lúxuspakkar, sem innblásnir eru af King Kong, Godzilla og Mechagodzilla, verða einnig í boði samkvæmt PcGamer. Að vísu verður ekki hægt að fá búning sem breytir leikmönnum í risastóra górillu eða risaeðlu, en búningurinn mun koma til með að breyta leikmönnum í einhverskonar blending af manneskju, eðlu og apa.