Sérstök Top Gun-uppfærsla fyrir Flight Simulator
Setja bókamerki
Fría Top Gun: Maverick-uppfærslan í flugherminum Flight Simulator frá Microsoft fer í loftið þann 25. maí, eða sama dag og Top Gun: Maverick-kvikmyndin með Tom Cruise verður frumsýnd á Íslandi.
Tilkynnt var um uppfærsluna síðasta júní en henni var seinkað vegna þess að Paramount Pictures seinkuðu útgáfu kvikmyndinnar, sem átti að koma út í nóvember á síðasta ári.
„Athugið flugmenn! Þetta er flugstjórinn sem talar. Top Gun: Maverick-upplifunin fer í loftið þann 25. maí í Microsoft flugherminum!“ segir í tísti frá Xbox.
Fyrstu handar upplifun
Upplýsingar um uppfærsluna eru enn af skornum skammti, hinsvegar hefur verið greint frá því að með uppfærslunni fylgir F-18-flugvél með það markmið að gefa leikmönnum fyrstu handar upplifun af því hvernig er að vera bandarískur Top Gun-flugmaður.
Microsoft Flight Simulator er fyrsti leikurinn í leikjaröðinni sem varð aðgengilegur til spilunar á leikjatölvum, en hann kom út fyrir Xbox í júlí á síðasta ári. Leikurinn býður á að fljúga flugvél í raunverulegu og þrívíddarumhverfi byggðu á gögnum frá Bing Maps.
Leikurinn skartar rauntíma veðráttu og umferð í lofti, en upplýsingarnar fást einnig frá Azure AI-hugbúnaðinum frá Microsoft.
Top Gun: Maverick-uppfærslan fyrir flughermi Microsoft kemur út á Steam og Microsoft-versluninni fyrir Xbox og PC-tölvur.
Vélsleðaslys: Þyrlan kölluð út á mesta forgangi
„Umsátursástand“
Skar höfuðleðrið af íslenskri konu
Krefjast stöðvunar framkvæmda
Skiptir miklu meira máli en fólk grunar
Eyjafjarðarbraut lokað vegna alvarlegs umferðarslyss
Banna mengandi búnað sem leyfður er á Íslandi