Þriðja tímabil þriðja kafla í Fortnite er hafið, en tímabilið ber nafnið „Vibin'“ og lýsir Epic Games því sem „einni stórri veislu á eyjunni“.

Í Vibin heimsækja leikmenn Reality Falls, þéttvaxinn og töfrandi skóg og geta jafnframt gróðursett „Realty Saplings“ sem skora á leikmenn í bardaga og geta gefið af sér mythic-fjársjóð.

Ríða um eyjuna

Þar að auki koma reiðskjótar til sögunnar en leikmenn geta ferðast um á úlfum eða björnum sem finnast innanleikjar, og ráðist til atlögu á þeim án þess að fara af baki.

„Hoppaðu ofan á úlf eða björn til þess að ríða á þeim! Þú þarft ekki að fara af baki til þess að berjast, skjóttu eða kastaðu vopnum á meðan þú ert á baki,“ segir á heimasíðu Epic Games.

Hægt er að ríða um eyjuna í Fortnite á úlfum eða björnum. Grafík/Epic Games

Verðlaunaðir með Svarthöfða

Verðlaun fyrir hundraðasta þrep bardagapassans voru einnig opinberuð, en þau eru engin önnur en Svarthöfði sjálfur.

Geta þá leikmenn spilað sem Svarthöfði og lofar Epic Games tilkomu Indiana Jones síðar á tímabilinu.

Nánar um þetta má lesa í tilkynningu frá Epic Games.

Tengdar fréttir

Fortnite

Google nálægt því að kaupa Fortnite

• Samfélagsmiðlastjarnan mætt til leiks
• Hætta að spila nokkrum vikum eftir útgáfu
• Dregið úr krafti sprengjanna
• Fastur á handriðinu eftir galla

» Fleiri tengdar fréttir

• Blogga um frétt