Sýna bakvið tjöldin við gerð Arcane
Setja bókamerki
Tölvuleikjafyrirtækið Riot Games fer af stað með þáttaröðina Bridging The Rift, sem sýnir bakvið tjöldin við gerð vinsælu þáttaröðinnar Arcane.
Bridging The Rift hefst á fimmtudegi þann 4. ágúst á opinbera YouTube-aðgangi Riot Games, og sýnir áhorfendum bakvið tjöldin í Arcane með fimm vikulegum þáttum.
Sló í gegn
Teiknimyndaröðin Arcane sló í gegn þegar hún fór í loftið seint á síðasta ári. Hún var gerð af Riot Games og Fortiche Production og veitir áhorfendum dýpri innsýn inn í tölvuleikinn League of Legends.
Áhorfendur fylgjast með systrunum Jinx og Vi í háþróuðu borginni Piltover og neðanjarðar undirheima-borginni Zaun. Sagan segir frá uppruna þeirra og kraftinum sem aðskildi þær frá hvor annarri.
Þáttaröðin var sýnd á Netflix og hlaut mjög góða dóma, en á Imdb skoraði hún 9,1 af 10 og 100% á Rotten Tomatoes.
Unnið fjölda verðlauna
Arcane kom sér fljótt í fyrsta sætið á vinsældarlista Netflix og sat þar í þrjár vikur samfleytt. Þar fyrir utan hlaut hún fjölda verðlauna, þar á meðal níu Annie-verðlaun og þemalagið Enemy frá Imagine Dragons náði fyrsta sætinu á vinsældarlista Billboard.
Nú þegar hefur tilkynnt um aðra þáttaröð en enginn útgáfudagur hefur verið gefinn upp.
Kvikan virðist nú skiptast til helminga
/frimg/1/48/52/1485260.jpg)
Ölfusárbrú opnuð aftur eftir bílslys
„Þögnin er ærandi“
Sat á þaki byggingarinnar þegar eldurinn kviknaði
Hjón sluppu með skrekkinn
Kveðst tala af virðingu: „Ég er enginn dóni“
Segir óábyrgt að skipta út öllu bankaráðinu