Söfnuðu 360 þúsund krónum með streymi
Setja bókamerki
Fyrr í vikunni blés Óla Blöndal til sérstaks afmælisstreymis þar sem spilaðir voru ýmsir leikir og spjallað við gesti og áhorfendur.
Í beinu framhaldi af því, eða daginn eftir, tók hún þátt í góðgerðarstreymi sem skilaði 380.000 krónum fyrir fjölskyldur í Texas.
Síðastliðinn sunnudag fór afmælisstreymið hennar Ólu fram og var þá meðal annars spilaður ákveðinn teiknileikur. Þá var þátttakendum skipt upp í lið og látin ýmist teikna eða giska á hvað var verið að teikna.
Þar að auki var leikurinn „ég hef aldrei“ spilaður og segir Óla í samtali við mbl.is að hann hafi ekki verið við hæfi barna.
Hægt er að horfa á afmælisstreymið í heild sinni á Twitch-rás Ólu undir nafninu olalitla96, eða með því að fylgja þessum hlekk.
Tóku höndum saman
Góðgerðarstreymið fór síðan fram á mánudeginum. Var það streymandinn TheBrokeDadGaming sem fékk Ólu og fleiri með sér í lið til þess að safna fé fyrir fjölskyldur sem urðu fyrir áhrifum skotárásarinnar í Texas.
Þá fór fram einskonar boltastreymi, þar sem átta streymandar skiptust á að halda uppi streyminu, skemmta áhorfendum og safna fé.
Stóð vaktina til klukkan fimm
Óla var sjálf í beinni útsendingu frá klukkan 17:00 til 19:00 á íslenskum tíma en veitti aðstoð sína við streymið frá byrjun til enda. Svefnfriður Ólu var því af skornum skammti þar sem að streymið kláraðist ekki fyrr en klukkan 05:00 um nóttina
„Ég náði að safna rúmlega 35.000 krónum. Svo var ég á öllum hinum streymunum á fullu að setja GoFundMe-hlekkinn og hvetja fólk til að deila þessu áfram og svona,“ segir Óla.
„Við náðum að safna 380.000 krónum í heildina!“
Gul viðvörun tók gildi í morgun
Á annað hundrað símtala vegna nikótínvara
Spursmál: Fyrsta stóra viðtal Katrínar
Hafa „ágætis tíma“ til úrbóta
Unnu að fullum heillindum að kaupum á TM
Hæstiréttur staðfestir vanhæfi alls Landsréttar
Hyggjast leyfa fólki að skoða gosið