Það styttist óðum í komu Overwatch 2 en hann er nú kominn í seinni beta-útgáfuna, sem gerir ákveðnum hóp leikmanna kleift að prófa og spila hann.
Valdir leikmenn sem skráðu sig í beta-útgáfuna geta spilað Overwatch 2 frá deginum í dag. Upprunalega áttu aðeins fáir leikmenn að fá aðgang, en Blizzard stefnir á að fjölga leikmönnum í beta-útgáfunni með tímanum.
Þann 5. júlí er reiknað með að gefa enn fleiri leikmönnum aðgang að beta-útgáfunni, og öllum sem skráðu sig fyrir 14. júlí.
Leikmenn sem skráðu sig en fengu ekki aðgang í þetta skiptið þurfa því ekki að hafa áhyggjur.
Leikurinn kemur út þann 4. október og verður þar að auki gjaldfrjáls til spilunar.