Ný stikla sem Maxis birti í dag opinberar næsta aukapakka í tölvuleiknum Sims 4 og hvenær hann kemur út.

Nýjasti aukapakkinn í Sims er The Sims 4 High School Years og snýr að menntaskólaárum unglinga í Sims, en samkvæmt leiðarvísi sem Maxis birti eru tveir efnispakkar á leiðinni líka.

Frétt af mbl.is

Þrír aukapakkar á leiðinni fyrir Sims 4

Streyma til að gerast „Simsavaldar“

Leikurinn kemur út þann 28. júlí og er nú þegar kominn í forsölu. Með því að kaupa leikinn fyrir 8. ágúst fá leikmenn sérstakan streymisbúnað innanleikjar.

Streymisbúnaðurinn er „allt sem Sims-unglingur þarf til þess að gerast streymandi eða Simsavaldur“. Hann inniheldur sérstakan tölvuleikja-skrifborðsstól, LED-ljós og þráðlausan hátalara sem Simsar geta keypt fyrir heimilið sitt.

Spilað í gegnum skólann

Menntaskólapakkinn veitir dýpri upplifun þegar spilað er með Simsana í gegnum menntaskóla. Leikmenn geta fylgt Simsunum sínum í tíma, kynnst kennörunum, hangið í matsalnum og jafnvel skreytt skápinn sinn.

Fjöldi nýrra afþreyinga fylgja með aukapakkanum en nánar um hann má lesa með því að fylgja þessum hlekk. 

Hér að neðan má horfa á kynningarstiklu The Sims 4 High School Years.

Tengdar fréttir

Sims

Kenna á Sims 4 á Akranesi

• „Ég held að fólk tali bara ekki nógu mikið um þetta“
• Kleópatra vann fyrstu hönnunarkeppnina
• Kosningu lýkur eftir nokkrar klukkustundir
• Fimm flottustu eldhúsin komust áfram

» Fleiri tengdar fréttir

• Blogga um frétt