Dragdrottningar taka yfir í kvöld
Setja bókamerki
Hinsegindögum verður fagnað á GameTíví í kvöld þegar dragdrottningar taka stjórnina og sæta sviðsljósið.
Klukkan 21:00 munu þrjár dragdrottningar frá ApocalypsticK taka yfir GameTíví og vera með sérstakt hinseginstreymi til fögnuðar um hinsegindaga.
„Þetta er í fyrsta skiptið sem GameTíví tekur þátt í hinsegindögum með þessum hætti,“ segir Ólafur Þór Jóelsson, einnig þekktur sem Óli Jóels, hjá GameTíví í samtali við mbl.is.
„Þessar mögnuðu dragdrottningar höfðu samband og við vorum ekki lengi að slá til.“
Gay-merar taka upp fjarstýringuna
Tölvuleikurinn Phasmophobia verður spilaður í kvöld og þá af „alvöru gay-merum“ sem eru allir ólíkir og spila á sinn eigin hátt.
„Náttúrulega erum við smá stressuð en samt aðalega spennt,“ segir Magnús Dagur Gottskálksson í samtali við mbl.is, en hann er einn þeirra sem mun koma fram í kvöld.
„Við elskum öll drag og tölvuleiki þannig að það verður gaman að blanda þessum tvemur áhugamálum saman!“
Hver veit hvað kvöldið ber í skauti sér
Magnús segir áhorfendur mega búast við hlátri, grátri, og að sjálfsögðu tölvuleikjum en bætir við að hvað sem er gæti gerst í kvöld.
Hægt verður að horfa á GameTíví í beinni útsendingu á Twitch-rás GameTíví eða á Stöð2 Esports klukkan 21:00 í kvöld.
Veiting hvalveiðileyfis ekki brot á EES-samningi
Eyjafjarðarbraut lokað vegna alvarlegs umferðarslyss
„Það þarf að vinna mikinn fjölda upp“
Handtekin eftir að tvö börn fundust látin
Verðbólgan komin niður í 6%
„Á réttri leið en nokkuð í land ennþá“