Sandra gerist götuköttur með nýju moddi

Götukötturinn í Stray hefur svo sannarlega vakið mikla aðdáun á meðal tölvuleikjaspilara frá því að hann kom út í síðasta mánuði. 

Nú þegar eru moddarar farnir að setja sinn eigin svip á tölvuleikinn og geta leikmenn t.d. spilað sem guli og feiti kötturinn Grettir eða hvíti kettlingurinn Sandra úr Hefðarköttunum.

Frétt af mbl.is

Götukötturinn fær hæstu einkunn ársins

Hefðarköttur í nýju umhverfi

Nýtt mod fyrir tölvuleikinn Stray frá Huckleberrypie gæti vakið upp nostalgíu við spilun leiksins þar sem það færir Hefðarkettina inn í heim Stray.

Þegar leikmenn hafa sett upp moddið geta þeir spilað sem litli hvíti kettlingurinn, Sandra, í staðinn fyrir upprunalega götuköttinn. Vert er að nefna að þróunaraðilar Stray byggðu götuköttinn í leiknum á raunverulegum götuketti sem þeir tóku að sér.

Frétt af mbl.is

Kettir aðstoðuðu menn við að þróa leikinn

Allir vilja vera köttur klár

„Allir vilja vera köttur, og ég hugsaði að ég ætti að setja Söndru úr Hefðarköttunum inn í leikinn þar sem hann minnti mig á þegar fólkið mitt fór í Disneyland í Tókíó fyrir nokkrum árum síðan,“ skrifaði Huckleberrypie.

„Svo virðist sem hún hafi þó nokkra aðdáendur í Japan vegna tilhneiginar þeirra til alls sem er kawaii, upp að því marki að sérstakur varningur og teiknimyndasögur af henni voru gefnar út.“

Þeir sem hafa áhuga á að skoða þetta mod nánar geta fundið það með því að fylgja þessum hlekk.

• Blogga um frétt